النزوح
شفتوا النزوح اصعب الم
تخلي بيتك والأهل
وتترك الخير والنعم
…..
شفتوا النزوح فيهو العذاب
فيهو زل مابعدو زل
فيهو بتجيك النغم
…..
ياخ النزوح فيهو التعب
فيهو النصب فيهو الغضب
فيهو الضياع فيهو العدم
…..
أنا في النزوح لاقيت صعاب
وكمان صحاب هم لي رحاب
لاقيت بسيط من الاهل
……
ياخ النزوح فيه الشقا
فيهو الاسى فيهو القسا
فيهو الصمم فيهو البكم
…..
أنا لوحكيت عن النزوح
مابوفي ورقي مع القلم
مهما كتبت عن النزوح
مابقدر اوصف ليك الم
…..
الم النزوح ماحمى بس
ولاصداع ولاكسورا تنجبر
الم النزوح كسر الخواطر
وكسر القلوب مليانة هم
……
الم النزوح ماتلقى زول
يقيف معاك يكوس رضاك
يحمل هواك يظل جواك
يكون اخوك او. بن عم
……
الم النزوح مايضقوا زول
الاالعدو العادنا بس
لاصليح يتركوا ديارو
ولاصديق وقت النغم
….
ان شاءالله من بعدالنزوح
نرجع جميع ومانروح
ونفرح ونترك للجروح
وتقيف دموعنا من الالم…..