عدنا للديار بعد نزوح قسري شمل خارج الوطن وداخله
متي وهل يعود النازحين من الداخل والخارج٠٠٠٠٠وهل تعود الطيور المهاجرة الي غابة السنط بالخرطوم ومقرن النيلين لتتحدي وتبعث باشارة الي الجنجويد ومن شائعهم ولكل دول العالم بان ام قيردون لن تهزم صقرالجديان ولامكان لهافي غابة السنط ولا مقرن النيلين٠٠وان مسجد النيلين عأئد٠ وان عقد القران لشباب الوطن كل يوم جمعه بالمسجد عائد ٠٠٠وان شيخ عبدالله محمد احمد امام وخطيب وماذون المسجد نعم سيعود بصوته الجميل عابرا الي الضفة الشرقية لنهر النيل حيث جزيرة توتي بين النيلين وقد عاد من النزوح كل مواطنيها الكرام٠٠٠نعم عاد ابناء توتي من النزوح وفي قلوبهموفي اعماقهم اسمي معاني الود والحب والوفاء لسنكات بعد ان تركو خلفهم الذكري الطيبةو سجلو حضور أنيق وتؤامة مابين توتي مع مدينة سنكات الجميلة الهادئة والمصيف نعم ودعوها وودعناها معهم وصلينا صلاةالوداع بمسجد الشريفةمريم الميرغنيةام الفقراء والمساكين التي يدين لها ولطائفة الختمية اهل مدينة سنكات وما جاورها جبيت واركويت وصمد بحب وولاءلاحدود له نعم عاد ابناء توتي الي جزيرة توتي٠٠٠٠ ٠٠العمدة٠ ظريف المدينة٠٠ رفعت الدسوقي ٠٠٠واللورد الجنرال عبداللطيف ابوعلي وكريم الخصال الخلوق امين ابراهيم وزين الشباب وطيب الاخلاق تاج الدين والمهندس المهذب شرف احمد ٠ نعم عادو لتوتي وودعوا سنكات ولسان حالهم وهم ينشدون ويغنون عائدون ياتوتي لنتلقي العزاء في شهيد توتي وابن وزارة الماليةسابقا البطل صلاح عصملي٠٠نعم عائدون ياتوتي و لنجلس في مقرن النيلين نغازل توتي بين بحرين القارئ العزيز ٠٠٠٠٠٠٠٠٠٠٠٠٠نعم عدنا للديار من خارج وداخل الوطن الحبيب٠عدنا للعاصمة المثلثة الحبيبة والحزينةالتي نزحنا منها في ايام دامية نعم٠٠٠غادرنا العاصمة المثلثةالتي كان اهلها ومواطنيها يتبارون في مدحها ويتغزلون فيها وفي جمالها ولياليها وحدائقها ومجالس الانس والسمر الجميل٠ناس امدرمان يتمسكون بان امدرمان اهل٠٠٠ وناس الخرطوم يتباهون بان الخرطوم شغل٠٠٠ وناس بحري يفتخرون بانهم عاصمة وفخرالصناعة بالسودان فهم٠٠٠ المنطقة الصناعية والنقل الميكانيكي والمخازن و المهمات ٠٠هنا في رحاب بحري نقف٠٠٠٠٠ القارئ العزيز ٠٠٠٠٠٠٠٠٠٠٠٠٠ في صباح باكر في شارع المعونة٠ ببحري وله ثلاثة اسماء. المعونة والضواحي والطيار الكدرو نعم٠في ذلك الصباح الباكر وفي اول ايام العودة جلست في شارع المعونة وبصحبة صديق وجار نازح وصل حديثا من دولة مصر قال لي وهو سعيدوينظر للازدحام وحركة المرور بشارع المعونة وقد بداء يتعافي ودبت فيه الحركة بكثافة قال لي ان شارع المعونة يذكرني الان بشارع القصر العيني بمصر ٠٠٠٠قلت له ياسلام شارع القصر العيني نعم لهذا الشارع وقبل تدفق النازحين من السودان بسنوات كان له ارتباط وتاريخ هام مع السودان والسودانيين ٠٠٠فقد كان يحل فيه المبني التاريخي المملوك لسفارة السودان في ارقي احياء مصر حي قاردن سيتي نعم احد ارقي احياء مصر التاريخية ويجاور السفارة السودانية سفارتي امريكا وبريطانيا ٠شوفتو كيف ياجماعة كم كان السودان عظيما وحقا كان الزمن الجميل الذي كثرتداوله والتأكيد حوله الان فهل يعود و بعددرس الحرب القاسي ٠نعم كانت السفارة تجاور سفارتي امريكا وبريطانيا ٠٠وكان معلم بارز وملتقي لكل السودانيين فقد مر عليه اعظم السفراء السودانيين ٠٠هيبة ووقار وعظمة٠٠نعم السفارة سفير٠٠٠رحم الله الراحل المقيم العلم والعالم الجليل اخر جيل السفراء العظام احمد عبدالحليم والذي عندما كان سفير للسودان بمصركان اسم السودان و علم السودان عاليا خفاقا فكان عندما يود السفير احمد عبدالحليم مقابلة الرئس حسني مبارك كانت رئاسة الجمهورية تقف علي اتم واهبة الاستعداد فالتوجيهات من الرئس حسني مبارك بان السفير السوداني يدخل عليه في اي وقت بدون اي تحديد لمواعيد لا وبل كان يناديه ب عم احمد٠وما فيش حد يزعل عم احمد٠نعم السفارة سفير٠٠٠ وبالذات لدي جارتنا مصرنعم مطلوب لها سفير مثقف واديب ٠٠وودبلد ٠ ٠٠ وشخصية ومن بيت كبير٠٠٠٠ ٠نعم السفارة ٠سفير٠٠٠٠٠٠٠القارئ العزيز ٠٠٠٠٠٠٠٠٠٠٠٠٠عدنا للديار ودمعتين ساخنتين علي خدودنا٠٠٠٠٠ونترحم علي شهدائنا الابرار ابطال العبور لمقرن النيلين ٠٠٠ وابطال حرب الكرامة من قوات الشعب المسلحة ومن ساندهم من القوات الاخري فلولا هم لما عدنا الي مقرن النيلين.
من يوميات عمر محجوب سليمان
