طبعاً رغم أننا من منطقة واحدة ومحلية واحدة بهبيلا بجنوب كردفان مع سعادة الفريق الكباشي. وأخوه المهندس الكيميائي الموجود الآن بدولة كندا.. صلاح الدين كباشي من أصدق أصدقائي واحبابي التقيته بعد ثلاثين عاماً عند زيارة الكباشي للدلنج وفطرنا في صينية واحدة بمنزل المك/حسن جبر الدار حيث اقامة وليمة للكباشي .صلاح كباشي علمني كيف اكون مفتح وشفت في القاهرة عندما زرت مصر لأول مره ورسم لي خارطة طريق للحياة في القاهرة وكان ذلك في بداية تسعينات القرن الماضي.؟ وسكنت معة في شقة واحدة مع اصدقاءه ابراهيم ريحان من حي القلعة بالابيض وماهر من ابناء الريف بالفاشر بدارفور لا أدري أين هم الان ؟؟؟ كان ذلك في حي منشية البكري بمنطقة محطة بن سندر للمترو .حيث اتهم فيها الإخوان المسلمون باغتيال جمال عبدالناصر وبعدها اعدم معظم القيادات الكبيرة في مصر. لم التقي الكباشي مباشرةً في حياتي الا مره واحده في الدلنج وكنت مقدم للبرامج للإدارة الأهلية داخل قيادة اللواء عند زيارته للدلنج في العام ٢٠٢٣ بحضور وزير الحكم الاتحادي/مهندس محمد كرتكيلا صالح والوالي/موسي جبر محمود وكتبنا عن هذه الزياره زاوية خضراء بعنوان (الكباشي وصدي الزيارة ) وأذكر من الزملاء الصحفيين فى هذه الرحله لجنوب كردفان وجبال النوبا بكري المدني واسامة عبد الماجد ورشا اوشان ويوسف عبدالمنان وآخرين كثر وكتبت مره اخري عن زيارته للنيل الأبيض تحت عنوان (الكباشي وتماسيح النيل الابيض) وكتبت عنه مره ثالثة وهذه هي المره الرابعة اكتب عنة تقريباًِ. وطبعاً شقيقي ناصر ابوكلام.. سمي ولده البكر شمس الدين كباشي.. في مره من المرات انا جاي داخل البيت في البلد لقيتو في ظل المخزن في الحوش قاعد براهوا وهو صغير عمره تقريبا ثلاثة سنوات ( لقيته قاعد في كرسي صغير عريان كما ولدته امه وخالف رجل علي رجل وشايل عصاية في يده وينظر هناااك في الافق البعيد .؟؟!!! قلت يا ساتر الكباشي قاعد عريان وفي النقعه مته من الضحك ههههه) الله يستر لقدااام الكباشي ود اخوي ده كن جاء حاكم للسودان. ؟؟؟ عموما جاتني هذة الخواطر في شريط سريع لما رأيت امس الفريق الكباشي سيد الاسم بشحمه ولحمه وفي كامل زيه العسكري عكس العريان زولي دااااك.؟؟ وكان الكباشي كلامه أمام ولات ولايات السودان ببورتسودان ( كلام بره وعريان ما لابس كمامه.) قال تاني ما داير اي وفد يجي هنا في بورتسودان (والكلام ليك يالمنطط عينيك خلو تدفرو.. وفد تلو الوفد وتفضوا الولايات من المزعجيين السياسيين ) وقال نحن همنا الأمن والأمن اساس التنمية والإستقرار لكل الناس وقال هم يعملون في تعزيز الامن وطمن الشعب السوداني بأن الأمور تسير نحو الجيد بإذن الله. ياسعادة الكباشي نقول لك بغلتنا النوبيا الكوشية الجميلة (شنن ..شنن..وطنكو….برانكو. ) يا ناس برانكو خلو بالكم يا ناس شرق الجزيرة والشرفة اخي حسين خوجلي. واحمد الشريف ؟ ندخل الترجمه شنن. شنن برااااحة. . برااااحة وطنكو. شوية…شوية وبرانكو في الفجر والصباح الباكر ولكن ياسعادة الكباشي تقول للوفود نهاراً جهاراً وفي التلفزيون وامام كل ولاة ولايات السودان تاني ما داير وفد يجي بورتسودان.. لا لا فعلا ود اخوي ناصر ابوكلام اسمه الكباشي.. اسم علي مسمي؟! والله انا ذاتي خجلته قربت أنزل أخش تحت السرير. ؟؟ كلام جيش ناشف كرررر.!!! الحمد لله انا حتي الآن لم تحدثني نفسي بالذهاب الي بورتسودان. واحد من الناس قال لي يالمك انت لازم وضروري تمشي بورتسودان انت زول صحفي ومك. قلت له انا ده ..بري. بري..بري.. عشان يقولوا المك بقي شحاد. أمام أبواب العساكر والوزراء والمنظمات. ؟؟؟ افو.. افو…افو… حاشا وكلا حتي لو نقغد ناكل الغلة بليلة في الحله..؟؟؟؟ نحن عزة السودان ومجده وفخره نحن ملوك النيل وعظماء التاريخ. ؟؟؟ ونقول لسعادة الكباشي ( بيل.. آ.. طقي ) الترجمه من النوبيا يعني الله يخليك ويحفظك. ؟؟؟ ونقول للناس القاعدة في بورتسودان من الوفود شغله بلا شغله. ؟ احسن ليكم بقجوا بدري..بدري. قبل ما يقوم عليكم سعادة الكباشي النصيحة حاره ويا هو انا أبوكلام كلمتكم..؟؟؟
المك/داؤد أبوكلام داؤد
الإربعاء ٥/٥/٢٠٢٥
